aus “acht schtumpfo züri empfernt”, der gesunde menschenversand, 2018:
dasinzo schteikuader xi
so chnühöchi
graui betonblök
ufem ganze plaz ferschtroit
zum druf size
oder filicht ä nur zum drilaufe
oder nözschnäll laufe
uf so eim bini ghoket
und han ide abixune uf traffi gwartet
sisch warm xi
de schtei äno
sind lüt überde plaz gloffe
mitrolkofer und ruksek
zudetaxi umpüss
unzumiigang
forem iigang sind lüt umegschtande
hänggwartet
paar hänggraucht
ti einte imzüg umegluegt
anderi ufiri händis
e skeilein gizjascho sonenart
abr eganzi zigilang
luegschtiä ezänöd a
unde bättlerin
mikopftuech ummanntl
häzich fomeintenändi fom geboide
zumandere gschleppt
und obwols faschimmer klar xi isch
dass tlüt nüggänd
ischsi immerno
en momänt lang
bi jedem schtaa blibe
ich bi grapmittem zug acho xi
idere schtatt
acht schtumpfo züri empfernt
weisnüm weli musig
dasi underwäx glost gha han
aberichweisno
dasi ide metamorfose fom owid gläse han
untasisch zum teil
en zimliche chrampf xi
abr wämmers mal enzifferet hätt
dänn sinzebe schono gueti gschichte
untööt
bim wartenuftem plaz
ischmer bewusst worde
dass sich diä hose
woni a gha han
diä füolette hose
winen rote fade
durmis letschte halbe jaar durezoge händ