aus “giftland”, der gesunde menschenversand, 2023:
chunt en see
chunt e böschig
en boozschtäg
e böschig
schilf
zägg böschig
en graureier flüügt uuf
böschig
e weid
zägg böschig
e schaafherde
böschig
paar graui felshäng
böschig
paar abgholzti hügel
böschig
offeni flächi
böschig
de sämi
uf de rükbank fom van
luegt usem fänschter
xeet d landschaft ferbiiraase
xeet wider e weid
xeet e böschig
chüe
zägg böschig
hunderti fo chüe
tuusigi
böschig
am umeschtaa im dräkk
am glozze
böschig
es tüüfflüügenz propellerflugzüüg
böschig
d chueherde wo usenand schtüübt
böschig
en sunneschtraal wo dur d wulchetekki bricht
böschig
warmi sunne uf de bagge
böschig
e farbigi hüsergruppe
zägg lärmschuzzwand
e schaukli im garte
es trampolin
zägg lärmschuzzwand
lärmschuzzwänd in utah
werum ä nöd
en gmüesgarte
zägg baumgruppe
e rauchsüüle
zägg hekke
en mänsch bimene füür
zägg holzzuun
en pick up truck ufere näbeschtraass
zägg böschig
e baumgruppe ufeme wisli
böschig
wider de see
zägg böschig
filicht wider de gliich
böschig
fode rükbank uus
di ganz wält taktet
dur unberächebari sändeunterbrüch
fo böschige
de sämi guenet füre
zwüsche faarersiz und biifaarersiz
dur d windschuzzschiibe fom van
xeet di graui schtraass wo for ine liit
luegt über d schultere hindere
xeet di graui schtraass wo hinder ine liit
di horizontale heizdröötli
im fänschterglas fode hekschiibe
di vertikale wiisse schtreife
wo in wulcheferhangene horizont uselaufed
bis zude nächschte küschte
bis zum nächschte meer
oder bis zum nächschte auto
zum nächschte chare
zum nächschte pick up
zum nächschte überlange schwertransport
ja jez woner d auge zuemacht
und s brumme fom motor ghört
wo fasch alli andere grüüsch im van schlukt
d gangschaltig
s beschloinige
s uusrolle
wider s beschloinige
s tikke fom blinker
und d laschtwäge gschpüürt ferbiiruusche
und mit ine meermals pro minute
schlagartix chlöpfe fo zäntnerschwere luftmasse
gäge d autoschiibe
ja jez wo scho wider sit schtunde
niämer im van es wort seit
da frögt sich de sämi
werum sich kän einzige gedanke
länger iischtellt als bis zum nächschte
zägg böschig…